Соопштенија
Средба со водачите на најголемите верски заедници во Република Македонија
Четврток, 30 Декември 2010
Средба со шефовите на дипломатско-конзуларните претставништва и мисии на Република Македонија во странство
Среда, 29 Декември 2010


Претседателот на Република Македонија д-р Ѓорге Иванов денеска оствари работна средба со шефовите на дипломатско-конзуларните претставништва и мисии на Република Македонија во странство.

На средбата Претседателот Иванов од македонските дипломати беше информиран за активностите извршени во текот на 2010 година. Претседателот оцени дека македонската дипломатија генерално била ангажирана во исполнувањето на главните стратегиски задачи. Претседателот го истакна продлабочувањето на партнерските односи со повеќе држави и институции; успешното претседавање со Комитетот на министри на Советот на Европа; потврдената препорака на Европската Комисија за македонската подготвеност за отпочнување на преговорите за полноправно членство во Европската Унија и повеќе други постигнувања во годината што изминува.


Претседателот Иванов додаде дека сепак, останува уште многу да се направи за да се исполнат очекувањата на граѓаните. Според Претседателот, македонските акредитирани дипломати треба да добијат можност поактивно и послободно да ги застапуваат интересите на Република Македонија, согласно утврдените приоритети на надворешната политика. Претседателот Иванов истакна дека во овие напори и активности диипломатите ќе ја имат неговата конкретна и целосна подршка.

Средба со Министерот за одбрана и со генералите на Армијата на Република Македонија
Вторник, 28 Декември 2010


Претседателот на Република Македонија д-р Ѓорге Иванов денеска оствари работна средба со Министерот за одбрана на Република Македонија Зоран Коњановски и со генералите на Армијата на Република Македонија.

На средбата, беа одбележани најважните активности во доменот на одбраната на Република Македонија во текот на 2010 година. Претседателот Иванов го поздрави донесувањето на Стратегијата за одбрана и Структурата на силите на Армијата на Република Македонија, како два документи од долгорочна стратегиска важност.

Тема на разговор беа мисиите на Армијата на Република Македонија во рамките на меѓународните мировни коалиции во Авганистан, Босна и Херцеговина и Либан. Оценка на средбата беше дека мисиите се одвиваат успешно, согласно очекувањата. На работната средба беа разгледани и други прашања кои се однесуваат на подобро функционирање на одбраната на Македонија, согласно новите безбедносни предизвици.

Честитка до Христијаните кои го прославуваат Божик според Грегоријанскиот календар
Сабота, 25 Декември 2010


Претседателот на Република Македонија д-р Ѓорге Иванов упати честитка до сите Христијани кои го прославуваат Божик според Грегоријанскиот календар.

Дозволете ми да Ви го честитам најрадосниот христијански празник, Раѓањето Христово-Божик, и да Ви посакам во добро здравје, радост и среќа да ги поминете празничните денови.

Токму на Божик празникот на мирот и помирувањето, на прифаќањето на другиот, ги потврдуваме нашите заеднички заложби за негување и почитување на верските различности и религиозните посебности како врвна вредност на нашето општество и целиот цивилизиран свет.

Божик е празник на радоста и љубовта, разбирањето и заедништвото  дарувањето и помагањето. Нека светлината и топлината на овој голем празник ги исполнат нашите домови и нека ни донесат лична и семејна среќа, и верба во себе и другите.

Нека е честит празникот.

Со почит,
д-р Ѓорге Иванов

Средба со Министерот за одбрана на Република Турција Венџи Ѓонул
Петок, 24 Декември 2010


Претседателот на Република Македонија д-р Ѓорге Иванов денеска го прими Министерот за одбрана на Република Турција, г-дин Венџи Ѓонул. На средбата, Претседателот Иванов изрази особено задоволство од односите на двете држави, кои се издигнати на ниво на стратегиско партнерство, и придонесуваат за стабилност и просперитет во регионот. Односите и соработката во сферата на одбраната ги следат вкупните односи, кои се на највисоко можно ниво. Редовните средби на највисоко ниво меѓу Македонија и Турција беа оценети како однос за пример во регионот.

Претседателот Иванов и Министерот Ѓонул се согласија околу потребата од заокружувањето на евроатланските интегративни процеси на двете држави, како и впрочем за целиот регион, во разумен временски рок, како мерка која ќе придонесе кон натамошниот напредок на регионот. На средбата, соговорниците константираа дека економските односи меѓу двете држави напредуваат кон посакуваното ниво, а Претседателот Иванов ја поздрави економската иницијатива на компании од Турција во Македонија. Според Претседателот Иванов, блиските културни односи меѓу двете земји и контактите меѓу етничките заедници во двете држави значително придонесуваат кон традиционалното пријателство и соработка.

 
Почеток < Пред 151 152 153 154 155 156 157 158 159 160 Следно > Крај
Страница 159 од 167