Новости
covik_1
Иванов – Човиќ: Неопходно е зајакнување на економската соработка
Петок, 02 Јуни 2017

Претседателот на Република Македонија, д-р Ѓорге Иванов, денеска оствари средба со членот на претседателството на Босна и Херцеговина, г. Драган Човиќ.

Двајцата соговорници констатираа добра билатерална соработка меѓу двете земји, без отворени прашања, и изразија заемен интерес за јакнење и продлабочување на соработката во сите сфери од заеднички интерес, со посебен акцент на економската соработка.

На средбата беа разменети мислења за состојбите во регионот, во контекст на актуелните предизвици и евроатланските перспективи на земјите. Членот на Претседателството на БиХ го запозна претседателот Иванов со актуелните политичко-економски состојби во Босна и Херцеговина и со клучните предизвици на земјата во наредниот период. Во таа насока, беа реафирмирани заложбите за натамошна меѓусебна помош, поддршка и соработка, со цел побрзо исполнување на стратешките цели на двете земји.

На средбата  беше изразена загриженост од одредени ретроградни процеси, кои во актуелниот момент, кога Европа и регионот се соочуваат со сериозни безбедносни предизвици, можат дополнително да ги влошат состојбите и односите во регионот.

Двајцата соговорници констатираа дека забрзана интеграција на регионот и фокусираност на инфраструктурните поврзувања е неопходно за политичка, економска и безбедносна консолидација во регионот на југоисточна Европа

vujanovik_1
Иванов-Вујановиќ: Евроинтеграциите се клучни за напредок на регионот
Петок, 02 Јуни 2017

Претседателот на Република Македонија, д-р Ѓорге Иванов, денеска оставри средба со претседателот на Црна Гора, г. Филип Вујановиќ. Претседателот Иванов престојува во работна посета на Република Словенија, по повод учеството на Состанокот на лидерите од Брдо-Бриони Процесот, што се одржува во Брдо кај Крањ.

Во рамки на учеството на состанокот на лидерите на „Брдо- Бриони процесот" што се одржува во Љубљана, двајцата претседатели разменија мислење за актуелните случувања во Македонија и Црна Гора, како и за случувањата во регионот.

На средбата беа потврдени традиционално блиските и одлични политички односи меѓу двете земји и беше изразен интерес за продлабочување на билатералната соработка.

Претседателот Иванов упати честитки за успехот на Црна гора со членството во НАТО, како и во поглед на интегративните процеси во ЕУ.

„ Успесите на Црна Гора позитивно треба да влијаат на стабилноста во регионот и треба да бидат инспирација за останатите аспиранти за членство во НАТО и ЕУ, истaкна претседателот Иванов. Во таа насока, македонскиот претседател посочи дека една од причините за појавата на ретроградни процеси во регионот е недоволниот ангажман на ЕУ и ја истакна потребата од деблокада на македонските евроинтеграции. Претседателот Иванов и претседателот Вујановиќ се согласија дека интегрирањето на Балканот во ЕУ и НАТО е клучно за напредокот на регионот, за мирот и стабилноста.

„Република Македонија предолго чека и треба да си го заземе члеснтвото во НАТО и да го продолжи интегративниот пат кон ЕУ", исткана претседателот Вујановиќ на средбата., нагласувајќи дека одличната соработка во поглед на евроатлатските интеграции ќе продолжи и во иднина.

Во однос на мигрантската криза и безбедносните предизвици со кои се соочува регионот и Европа, двајцата претседатели се согласија дека е неопходно проширување на соработката меѓу безбедносните и разузнавачките служби .

PRM_premieri
Претседателот Иванов ги прими поранешните премиери Груевски и Димитриев
Четврток, 01 Јуни 2017

Претседателот на Република Македонија, д-р Ѓорге Иванов, денеска ги прими г. Никола Груевски, претседателот на ВМРО-ДПМНЕ и поранешен претседател на Владата на Република Македонија и г. Емил Димитриев, поранешен претседател на Владата на Република Македонија.

Претседателот Иванов се заблагодари на двајцата поранешни премиери за досегашната соработка, посочувајќи дека во изминатиот период Владата на Република Македонија вложи големи напори за заштита на националните интереси и подобрување на животниот стандард на граѓаните на Република Македонија.

Македонскиот претседател изрази очекување дека ВМРО-ДПМНЕ како најголема опозициска партија, активно и конструктивно ќе дава придонес во процесите за остварување на стратешките цели, како и за зачувувањето на суверенитетот, територијалниот интегритет и самостојност на Република Македонија.

Papa_Francisk
Претседателот Иванов на аудиенција кај Поглаварот на Римокатоличката црква, Неговата светост Папата Франциск
Петок, 26 Мај 2017

Унапредување на соработката меѓу Република Македонија и Државата Ватикан, предизвиците од мигрантската криза и предизвиците со кои се соочува христијанството во Светот биле темите на разговор на денешните средби на претседателот на Република Македонија, д-р Ѓорге Иванов со Поглаварот на Римокатоличката црква, Неговата светост Папата Франциск и со државниот секретар на Светиот Престол, кардиналот Пјетро Паролин

- Папата Франциск пројави интерес за состојбите во нашиот регион, за состојбите со беглаците и за сето она што се случува во нашето опкружување , изразувајќи загриженост за сите прогони на христијаните за страдањата што постојат, за она што се случува денеска во Светот, изјави претседателот Иванов по аудиенцијата кај поглаварот на Римокатоличката црква, неговата светост папата Франциск.

Претседателот Иванов изјави дека е неопходно Папата Франциск да придонесува кон подигање на надежта на луѓето со цел полесно справување со предизвиците во 21 век и како човечка цивилизација да влеземе во период на нормалност.

Претседателот Иванов му заблагодари на Папата за интересот и грижата за Македонија, што Неговата Светост ја искажа во молитивите.

На средбите во Ватикан, било разговарано и за актуелната состојба со бранот мигранти што ја погодува Италија, како и предизвиците од мигрантската криза со кои се соочува Македонија.

- Потенцирав дека покрај хуманитарниот имаме и безбедносен проблем на мигрантската криза, што е одговорност на самите држави. Затоа Македонија прави се за да придонесува за спречување на сите закани кои доаѓаат со овие бранови на бегалци. Затоа што, како што на боиштата во Ирак и Сирија, ИСИЛ ги губи своите позиции, тие ќе ги користат мигрантските бранови за да се дојдат во Европа, изјави претседателот Иванов, додавајќи дека последните настани во Манчестер укажуваат на последиците на кои ќе бидеме изложени.

На средбата со државниот секретар, кардиналот Пјетро Паролин, претседателот Иванов изјави дека било разговарано за можностите за унапредување на соработката меѓу Република Македонија и Ватикан и било иницирано прашањето за подигнување на нивото на дипломатското претставување на Светиот Престол, преку отворање на Нунцијатура во Македонија.

Со средбите со папата Франциск и кардиналот Паролин, претседателот Иванов ја заокружи работната посета на Државата Ватикан. Во рамки на манифестацијата „Македонија во чест на Св. Кирил", македонскиот претседател вчера ја посети базиликата „Свети Климент" во Рим каде положи венец на гробот на Св. Кирил. Македонскиот претседател ја посети и базиликата „Санта Марија Маџоре", каде на негова иницијата во знак на благодарност од името на целиот македонски народ во 2015 година беше поставена спомен плоча на македонски јазик во чест на словенските просветители, браќата Св. Кирил и Методиј. Иванов ја посети и базиликата „Сан Паоло", каде положи цвеќе на гробот на апостолот Св. Павле.

bazilika_sv_kliment_01
Претседателот Иванов во Рим на манифестацијата „Македонија во чест на Св. Кирил“
Четврток, 25 Мај 2017
 
Почеток < Пред 1 2 3 4 5 6 7 8 9 10 Следно > Крај
Страница 4 од 170