News
prm_vucik_sredba_1
Иванов-Вучиќ: Отворените прашања да ги решаваме со дијалог
Saturday, 24 June 2017 10:30
There are no translations available.

Сите прашања меѓу двете земји околу кои постојат различни мислења треба да се решаваат зеднички преку дијалог. Да не дозволуваме тие прашања да влијаат на односите меѓу двете држави, затоа што сепак, ние сме соседи и што и да се случи остануваме да живееме на овој простор и мора како добри соседи да создаваме добри практики за идните поколенија, порача претседателот на Република Македонија, д-р Ѓорге Иванов, по денешната билатерална средба со српскиот претседател, Александар Вучиќ во Белград.

Претседателот Иванов изјави дека со неговиот српски колега имале конструктивна средба и биле согласни дека отворените прашања не треба да се политизираат.

„Сите отворени прашања мора да ги разгледуваме преку дијалог и надлежните институции да наоѓаат решенија. Kаде настанувааат проблемите, таму да се наоѓаат и решенијата.  Да не ги политизираме  и да не им даваме посебно значење на прашањата кои се во надлежност на институциите", изјави претседателот Иванов.

На прашањето дали двајцата претседатели разговарале за промовирање на идејата за заеднички регионален пазар, претседателот Иванов изјави дека тоа ќе биде во надлежноста на двете Влади.

izjava_bELGRAD3„Тоа е во интерес на целиот регион. Ние во минатото сме имале заеднички пазар, ги знаеме бенефитите од сето тоа, и која е користа за нашето стопанство, така што се надевам дека владите од регионот, како што Брдо Бриони процесот на ниво претседателите ги промовира тие идеи за зближување и отварање на просторот, така и премиерите на нивната идна средба во Трст сигурно конкретно ќе разговараат за  реализација на таа иницијатива", изјави македонскиот претседател.

Претседателот Иванов изјави дека Македонија и Србија како две соседни земји своите односи мора да ги гаат во духот на пријателството и меѓусебна соработка. Претседателот  Иванов додаде дека на средбата двајцата претседатели раазговарале и за можностите за продлабочување на економската и трговската соработка, како и за прашања од доменот на културата.

„Разговаравме и за прашања од доменот на културата кои мора да ги регулираме со одбележувања на настани, како што беше одбележувањето на 70-годишнината од доаѓањето на Македонците во Србија што го одбележавме заедно со претходникот на  Вучиќ. Тоа  беше еден чин на почит. Тие ни посветија внимание и нашите Македонци беа навистина задоволни. Таквите настани ќе продолжиме и во иднина да ги одбележуваме, бидејќи тие ги зближуваат двата народи и придонесуваат кон доверба на двете држави",изјави претседателот Иванов.

Политичкиот дијалог меѓу двете земји се очекува да продолжи со идна посета на претседателот Вучиќ на Република Македонија.

Претседателот Иванов утрово оствари и неформална средба со досегашниот српски претседател Томислав Николиќ.

Македонскиот претседател вчеравечер во „Палата Србија" присуствуваше на свеченоста по повод инаугурацијата на новиот српски претседател Александар Вучиќ.

vucik_inaguracija_3
Претседателот Иванов на инаугурација на претседателот на Република Србија, г. Александар Вучиќ
Friday, 23 June 2017 19:19
There are no translations available.

Претседателот на Република Македонија, д-р Ѓорге Иванов, вечерва во Белград присуствуваше на свечениот прием по повод инаугурацијата на претседателот на Република Србија, г. Александар Вучиќ.

На свечената церемонија што се одржа во „Палата Србија", присуствуваа претседателите на Република Словенија, на  Република Хрватска, на Црна Гора, членовите на Претседателството на Босна и Херцеговина, како и премиери, министри и претставници на дипломатскиот кор од регионот, Европа и светот.

На инаугурацијата на новиот српски претседател, на која биле поканети околу пет илјади гости,  присуствуваа и еврокомесарот за проширување на ЕУ, Јоханес Хан, заменик-помошникот на државниот секретар за Европа и Евроазија во Стејт департментот, Хојт Ји, премиерите на Унгарија и Австрија, заменик-претседателот на кинеското Собрание, како и престолонаследникот на Обединети Арапски Емирати,  шеик Мухамед Бин Зајед.

Претседателот Иванов утре ќе оствари билатерална средба со српскиот претседател,  г. Александар Вучиќ.vucik_inaguracija_8

iftar_vodno_11
Претседателот Иванов приреди ифтарска вечера по повод светиот муслимански месец Рамазан
Wednesday, 21 June 2017 21:20
There are no translations available.

Претседателот на Република Македонија д-р Ѓорге Иванов вечерва приреди ифтарска вечера по повод светиот муслимански месец Рамазан.

Македонскиот претседател обраќајќи се пред присутните гости – поглаварот на Исламската верска заедница, Реис–ул–улема Хаџи Сулејман ефенди Реџепи, муфтии, претставници на јавниот и на политичкиот живот, како и претставници на бизнис заедницата и граѓанскиот сектор, истакна дека во Република Македонија отсекогаш се почитувале и се споделувале  верските традиции и обичаи.

„Рамазан е посебен период не само за муслиманите туку и за сите останати припадници на другите религии кои живеат во нашата Република Македонија. Отсекогаш на овие простори се почитувале и се споделувале верските традиции и обичаи. Ние не живееме едни покрај други, туку едни со други постојано соочувајќи се со различните верски идентитети и прифаќајќи ги како такви", рече во обраќањето македонскиот претседател.

Претседателот Иванов порача дека во време на постојани предизвици, закани, на геостратешки промени и процеси нашата традиција на соживот не смееме да ја заборавиме. „Тоа е традиција на почитување и прифаќање на различноста. Оваа традиција е наша сегашност и иднина", истакна македонскиот претседател,

Честитајќи го светиот муслимански месец, претседателот Иванов посочи дека Рамазан е месец посветен на благородни дела, на мисла ослободена од себе и нашите потреби и насочена на нашите соседи, роднини и пријатели.

„Во овие мигови на празнување посакувам кај сите верници од исламската вероисповед да преовладува чувството на мир, љубов, и меѓусебно разбирање. Да преовладуваат вредностите кои ги зближуваат и поврзуваат, а не ги разделуваат и отуѓуваат луѓето и народите", порача македонскиот претседател на ифтарската вечера,  посакувајќи преостанатите рамазански денови да им бидат исполнети со среќа, бериќет и радост.

Поглаварот на Исламската верска заедница, Реис–ул–улема Хаџи Сулејман ефенди Реџепи му се заблагодари на претседателот Иванов за приредената ифтарска вечера поздравувајќи го овој потег на Претседателот како чин кој придонесува кон зголемување на меѓусебната почит, толеранција и разбирање помеѓу граѓаните на Република Македонија.

iftar_vodno_10

 
Start < Prev 1 2 3 4 5 6 7 8 9 10 Next > End
Page 1 of 169